У Мінску прадаюцца ягады па 150 рублёў за кілаграм

• 20.07.2026, 15:59

Такія ягады растуць у Беларусі.

У адной з мінскіх крам заўважылі чырвоную парэчку па 18,99 рубля. Праўда, гаворка не пра кілаграм, а пра невялікую ўпакоўку вагой 125 грамаў, піша Onliner.by.

Калі пералічыць на кілаграм, кошт атрымліваецца яшчэ больш уражлівым — 151,92 рубля.

Магчыма, справа ў паходжанні: на ўпакоўцы пазначана, што парэчку вырасцілі ў Нідэрландах.

Яшчэ нядаўна чырвоную парэчку можна было сабраць пад Мінскам самастойна і заплаціць 6 рублёў за кілаграм. На Камароўцы ў гэты час ягада каштавала каля 9 рублёў.