У Іерусаліме знайшлі бэлькі часоў храма цара Саламона

• 20.07.2026, 18:14

Храм быў знішчаны агнём у 586 годзе да н.э.

Археолагі знайшлі ў горадзе Давіда ў Іерусаліме абвугленыя драўляныя бэлькі Першага храма, пабудаванага пры праўленні трэцяга ізраільскага цара — Саламона (каля 965–928 гадоў да н.э.). Пра гэта паведамляе газета Jerusalem Post са спасылкай на заяву Упраўлення старажытнасцяў Ізраіля.

Храм Саламона быў знішчаны агнём у 586 годзе да н.э. вавілонскім царом Навухаданосарам II падчас заваявальнага паходу на Юдэю. Мяркуецца, што выяўленыя масіўныя драўляныя бэлькі пацярпелі менавіта ў тым пажары.

Кіраўнік раскопак Эфрат Бохер прыпусціў, што гэтыя бэлькі былі ўбудаваныя ў дах унутранага двара храма і захаваліся на працягу 2600 гадоў дзякуючы тынкоўцы, якая пры расплаўленні з усіх бакоў пакрыла драўніну.

Доктар Ёханна Рэгев з Упраўлення старажытнасцяў Іерусаліма адзначыла, што знайсці падобную драўніну з вялікай колькасцю гадавых кольцаў — вялікая рэдкасць. Дагэтуль навукоўцам удавалася датыраваць знаходкі толькі з дакладнасцю да некалькіх сотняў гадоў.