У прыгранічным рэгіёне Расіі пачалася паводка пасля ўдару па плаціне

• 21.07.2026, 15:42

Шэбекіна затапляе.

Горад Шэбекіна ў Белгарадскай вобласці Расіі пачало затапляць пасля атакі БПЛА на плаціну Белгарадскага вадасховішча.

Як паведамляе Telegram-канал «Пепел», плаціна атрымала сур'ёзныя пашкоджанні падчас камбінаванага ўдару 19 ліпеня. У выніку атакі пацярпеў участак водаскіду даўжынёй каля 35 метраў, што прывяло да некантраляванага скіду вады з вадасховішча.

Паводле дадзеных аналізу спадарожнікавых здымкаў, цяперашнія разбурэнні аказаліся значна больш маштабнымі за тыя, што фіксаваліся восенню 2025 года.

Вада, якая імкліва прыбывае, напаўняе рэчышча ракі Нежэголь, з-за чаго ў Шэбекіне ўжо падтопленыя гарадскія пляжы, прыбярэжная інфраструктура і бліжэйшыя збудаванні.