Удар РФ па судне ў Чорным моры: Індыя выклікала расійскага пасла

• 21.07.2026, 12:17

У выніку атакі загінулі чацвёра грамадзян краіны.

Індыя выклікала часовага паверанага ў справах Расіі Уладзіміра Ладанава у Міністэрства замежных спраў і выказала «сур'ёзную занепакоенасць» пасля ракетнага ўдару па грузавым судне ў Чорным моры, якое выходзіла з украінскага порта.

Паводле заявы МЗС Індыі, у выніку атакі загінулі чацвёра грамадзян краіны, паведамляе Reuters.

Ладанава перадалі сур'ёзную занепакоенасць Індыі і заявілі, што напады на камерцыйнае судаходства, якія прывялі да ахвяр сярод мірных жыхароў, з'яўляюцца «непрымальнымі».

«Такія напады падрываюць бяспеку, абарону і стабільнасць міжнароднага марскога гандлю», — гаворыцца ў заяве знешнепалітычнага ведамства Індыі.

Расія пры гэтым не адказала на запыт Reuters аб каментары.

Як раней паведамляў сайт Charter97.org, 19 ліпеня Расія нанесла ўдар трыма крылатымі ракетамі па судне Golden Leo пад сцягам Гвінеі-Бісау, на борце якога знаходзіўся экіпаж з Індыі і Сірыі. У выніку атакі загінулі 10 чалавек, уключна з чатырма грамадзянамі Індыі.