Выклік для Левандоўскага

• 21.07.2026, 14:13

Чаму зорны польскі футбаліст пераехаў за акіян.

У летняе трансфернае акно-2026 еўрапейскі клубны футбол страціў яшчэ адну легенду — зорны нападнік зборнай Польшчы Роберт Левандоўскі прыняў рашэнне пакінуць «Барселону» пасля заканчэння тэрміну дзеяння кантракта з гэтым клубам і адправіцца за акіян. Нападнік падпісаў пагадненне з «Чыкага Фаер», а ягоная жонка Ганна ужо ахарактарызавала гэтае рашэнне мужа як такое, што прыносіць ёй не проста хваляванне, а самы сапраўдны страх.

Дык чаму ж Левандоўскі вырашыўся на такі крок і якія мэты ставіць перад сабой асабіста, перабіраючыся гуляць у ЗША? Пра гэта піша sport.ua.

Павага да «Барселоны»

Спачатку пра відавочнае. Журналісты папрасілі самога Роберта Левандоўскага ахарактарызаваць пераезд за акіян, растлумачыўшы матывацыю такога рашэння. І польскі нападнік заявіў літаральна наступнае: «Я не мог уявіць сябе ў іншым клубе, акрамя «Барселоны», таму ведаў, што наступны крок будзе па-за межамі Еўропы».

Фактычна Левандоўскі даў зразумець, што чатыры гады, праведзеныя ў стане «блаугранас», ментальна паўплывалі на яго настолькі сур'ёзна, што ён ужо не мог уявіць сябе ў футболцы іншага еўрапейскага клуба, акрамя «Барселоны». І з павагі да клуба сярод новых магчымасцяў Роберт разглядаў толькі вандроўкі кудысьці па-за межы Старога кантынента. А раз так, то і варыянтаў у паляка было не так ужо і шмат. Цяпер добрыя грошы і годныя ўмовы здольныя прапанаваць або на Блізкім Усходзе, або ў ЗША.

Гэтая гісторыя вельмі рэзаніруе з даволі таксічным сыходам Левандоўскага з «Баварыі». У мюнхенскім клубе паляк правёў у два разы больш часу — цэлых восем гадоў кар'еры, аднак такіх цёплых слоў пра яго там не гучала. Усё з-за крыўды на кіраўніцтва, якое тады да апошняга зацягвала пытанне з падаўжэннем кантракта, разлічваючы падпісаць на змену Левандоўскаму больш маладую альтэрнатыву — напрыклад, Эрлінга Холанда. У «Барселоне» ж фактар эмацыйнай прывязанасці да клуба ў Роберта аказаўся значна вышэйшым, ды і рашэнне разысціся ў цэлым было ўзаемным. Клуб не мог працягваць плаціць Левандоўскаму такія грошы, а той сам з разуменнем паставіўся да новых рэалій, пажадаўшы ў выніку з'ехаць з Еўропы назаўсёды.

Сямейны фактар

На самай справе, у адкрытых крыніцах прама згадваецца нежаданне жонкі Левандоўскага Ганны пакідаць Іспанію. Яе шчыры пост пра тое, што жанчына адчувае страх перад пераездам у ЗША, з'яўляецца абсалютна сумленным, бо Ганна прызнавалася, што за чатыры гады ў Барселоне адчула гэты горад сапраўдным домам, дзе ёй камфортна і дзе яна адчувае сябе ў поўнай бяспецы. Там у яе з'явіўся свой кола зносін, жанчына развівала бізнэс і дапамагала дзвюм дочкам адаптавацца да іспанскамоўнага асяроддзя, з чым у выніку дзяўчынкі паспяхова справіліся.

Пераезд у ЗША не стаў для Роберта Левандоўскага спантанным рашэннем. Аднак ён не выклікаў захаплення ў жонкі нападніка, якая назвала гэты крок у жыцці «вялізным мацярынскім ціскам», бо цяпер ёй разам з мужам давядзецца зноў дапамагаць дзецям змяняць кола зносін, сістэму адукацыі і моўнае асяроддзе.

Халоднае і ветранае Чыкага дакладна не выглядае прыемнейшым месцам для пражывання, чым цёплая і камфортная Барселона. І сам Левандоўскі доўгі час сумняваўся ў мэтазгоднасці пераезду ў ЗША, але ў правільнасці такога рашэння яго ў выніку пераканалі два экс-партнёры па «Баварыі» — Басцьян Швайнштайгер і Томас Мюлер. Першы напрыканцы 2019-га завяршыў кар'еру менавіта ў шэрагах «Чыкага Фаер», у той час як другі і цяпер працягвае гуляць у МЛС за канадскі «Ванкувер Уайткэпс».

Кажуць, што Швайнштайгер пагутарыў нават з жонкай Левандоўскага Ганнай, пераканаўшы тую, што побытавыя ўмовы ў Ілінойсе здольныя задаволіць запыты польскай пары, бо там ёсць вельмі камфортныя раёны для пражывання і магчымасць арандаваць дом з усімі выгодамі, а таксама ёсць прыватныя школы, узровень адукацыі і выкладання ў якіх дапаможа дзецям хутка адаптавацца да жыцця ў ЗША і авалодаць англійскай мовай на добрым узроўні.

Акрамя таго, Роберт даў слова жонцы, што пераезд у Чыкага — гэта чыста працоўная гісторыя. І пасля таго, як скончацца два гады па кантракце з «Чыкага Фаер», пара пакіне ЗША і вернецца ў прыгарад Барселоны, дзе мае ўласны дом. Верагодна, пасля заканчэння кар'еры футбаліста Левандоўскі аселіцца менавіта ў Іспаніі.

Польская дыяспара

Адзін з найважнейшых фактараў, што сыграў на карысць пераходу Роберта Левандоўскага менавіта ў «Чыкага Фаер», а не ў нейкі іншы клуб МЛС, — наяўнасць у гэтым рэгіёне велізарнай польскай дыяспары. Паводле адкрытых даных, у штаце Ілінойс пражывае найбуйнейшая ў ЗША дыяспара перасяленцаў з Польшчы. Яе памер ацэньваецца ў 720 тысяч чалавек пры тым, што агульнае насельніцтва штата складае каля 13 мільёнаў.

Гістарычна менавіта Чыкага з'яўляецца галоўным цэнтрам польскай супольнасці ў ЗША. І пераезд Левандоўскага ў гэты горад выдатна ўпісваецца ў агульную карціну, стаўшы ідэальным культурным крокам з боку нападніка, а таксама маркетынгавым рашэннем з боку клуба.

У «Чыкага Фаер» падлічылі, што пераход Левандоўскага здольны дапамагчы ім атрымаць істотны прыток балельшчыкаў з хатняга рэгіёна. Некалькі сотняў тысяч жыхароў Ілінойса, якія маюць польскія карані, абавязкова пажадаюць як мага пільней назіраць за, верагодна, фінальным адрэзкам прафесійнай кар'еры аднаго з найлепшых футбалістаў у гісторыі зборнай Польшчы. І гэта здольна прынесці «Чыкага Фаер» добры прыбытак, дзеля якога і самому ігроку можна было паабяцаць прыстойны заробак.

Фінансавыя ўмовы

Паводле неафіцыйнай інфармацыі, сярэдні ўзровень акладу Роберта Левандоўскага ў «Барселоне» складаў каля 29,6 мільёна долараў у год да выплаты падаткаў. «Чыстымі» на рукі польскі нападнік атрымліваў прыкладна 12 мільёнаў долараў. Гарантаваць захаванне такой жа зарплаты «Барселона», як ужо згадвалася вышэй, Роберту не магла, з-за чаго бакі і прынялі рашэнне разысціся.

У «Чыкага Фаер», як пішаць дасведчаныя крыніцы, Левандоўскі атрымаў базавы аклад у раёне 10 мільёнаў долараў у год да выліку падаткаў. Таксама ў кантракце паляка з клубам прадугледжаныя бонусы, за выкананне якіх яго аклад можа ўзрасці да 15–20 мільёнаў долараў за сезон, што робіць Роберта адным з самых высокааплатных футбалістаў лігі.

Чакаецца, што «чыстымі» Левандоўскі ў «Чыкага Фаер» будзе атрымліваць ад 5 да 8 мільёнаў долараў у год. Гэта зніжэнне ў параўнанні з узроўнем акладу паляка ў «Барселоне», і Роберт мог бы атрымаць больш грошай у Саудаўскай Аравіі, але дзеля больш камфортнага жыцця сям'і і дзяцей паляк спыніўся менавіта на варыянце з Чыкага.

Амбіцыйны праект і задачы

Перад тым як прыняць прапанову і падпісаць кантракт, Роберт Левандоўскі асабіста наведаў Чыкага і азнаёміўся з усімі інфраструктурнымі магчымасцямі «Чыкага Фаер», а таксама ацаніў перспектыўны план развіцця гэтага праекта.

Асабістая размова з галоўным трэнерам «Чыкага Фаер» Грэгам Берхалтарам, які раней узначальваў нацыянальную зборную ЗША, пераканала Левандоўскага ў тым, што ў камандзе ён атрымае статус асноўнага іграка. А кіраўніцтва клуба пераканала Роберта, што ўплыў паляка будзе выходзіць далёка за межы футбольнага поля. У прыватнасці, запрашэнне Левандоўскага павінна паспрыяць росту спартыўнай і эканамічнай прывабнасці праекта ў цэлым.

«Мой поспех з гэтай камандай будзе вымярацца не толькі галамі і тытуламі, але перадусім маёй здольнасцю дапамагчы «Чыкага Фаер» пашырыць сваю долю на рынку. Спадзяюся як мага лепш наладзіць кантакт з польскай супольнасцю: не толькі дзеля таго, каб яны назіралі за маім асабістым прагрэсам, але і за структурным развіццём усёй каманды», — заявіў Левандоўскі.

Таксама Левандоўскаму распавялі пра будаўніцтва новага хатняга стадыёна для «Чыкага Фаер», які атрымае спонсарскую назву «McDonald's Park». Цырымонія закладкі першага каменя на арэне адбылася толькі 3 сакавіка бягучага года, але яе адкрыццё запланавана на вясну 2028-га. Гэта азначае, што Левандоўскі яшчэ зможа паспець згуляць на новым стадыёне, кошт будаўніцтва якога ацэньваецца на дадзены момант у 750 мільёнаў долараў, але, напэўна, будзе карэкціравацца ў працэсе работ у большы бок.

Чакаецца, што проста ўнутры стадыёна адкрыецца вялікі двухпавярховы флагманскі рэстаран McDonald's плошчай каля 1800 квадратных метраў. Ён будзе працаваць 365 дзён на год для ўсіх жыхароў горада, а не толькі ў дні матчаў. Таксама «фішкай» арэны стане самая крутая і блізкая да поля «стаячая» трыбуна ў МЛС для балельшчыкаў, на якой яны атрымаюць магчымасць знаходзіцца на 13 метраў ніжэй і на 10 метраў бліжэй да газона, чым на цяперашнім стадыёне клуба.

Магчымасць наўпрост далучыцца да рэалізацыі амбіцыйных працэсаў развіцця «Чыкага Фаер» стала для Левандоўскага яшчэ адным важным плюсам, які і схіліў паляка да рашэння пераехаць менавіта ў гэты клуб. А ўжо як складзецца кар'ера Роберта ў новай камандзе і ці зможа ён у яе шэрагах дасягнуць жаданага — пакажа толькі час. Відавочна, што найбліжэйшыя два гады…