Зідан узначаліў зборную Францыі

• 21.07.2026, 18:09

Бакі ўжо падпісалі доўгатэрміновы кантракт.

Вядомы экс-футбаліст, а цяпер трэнер Зінедзін Зідан узначаліў зборную Францыі. Бакі ўжо падпісалі доўгатэрміновы кантракт. Пра гэта паведамляе журналіст Фабрыцыё Рамана у сваіх сацсетках.

Паводле звестак крыніцы, вусная дамоўленасць была дасягнутая яшчэ ў лістападзе, а цяпер бакі замацавалі яе ў юрыдычным полі. З восені цікавасць да Зідана праяўлялі некаторыя футбольныя клубы, аднак ён заставаўся верным свайму выбару ўзначаліць зборную Францыі.

Зідан заставаўся без трэнерскай працы з 2021 года. Раней ён двойчы ўзначальваў «Рэал»: у 2016-м, 2018-м і з 2019-га па 2021-ы. За час ягонай працы мадрыдскі клуб заваяваў 11 трафеяў, уключаючы тры тытулы пераможцы Лігі чэмпіёнаў УЕФА.