Прэзідэнт Азербайджана распавёў пра таемную сустрэчу нямецкіх і расійскіх чыноўнікаў у Баку

• 21.07.2026, 18:55

Закрытая сустрэча адбылася тыдзень таму.

Прэзідэнт Азербайджана Ільхам Аліеў пацвердзіў, што тыдзень таму ў Баку адбылася закрытая сустрэча прадстаўнікоў Германіі і Расіі, перадае Bloomberg.

«Я не магу каментаваць падрабязнасці, паколькі мы не прысутнічалі на сустрэчы. Аднак даныя аб рэйсах дазваляюць мне сцвярджаць, што сакрэтная сустрэча ў Баку сапраўды адбылася», — заявіў Аліеў ў Берліне на сумеснай прэс-канферэнцыі з Фрыдрыхам Мерцам.

Паводле даных азербайджанскай памежнай службы, 12 ліпеня ў краіну прыбылі былы кіраўнік адміністрацыі канцлера Ангелы Меркель Рональд Пафала і былы кіраўнік зямлі Брандэнбург Матыяс Плацэк.

Неўзабаве пасля іх у Азербайджан прыехалі набліжаныя да Уладзіміра Пуціна — былы старшыня ўрада Расіі Віктар Зубкоў і старшыня Савета пры Прэзідэнце РФ па развіцці грамадзянскай супольнасці і па правах чалавека Валерый Фадзееў.

Аліеў падкрэсліў, што ні Масква, ні Берлін афіцыйна не паведамлялі Баку пра перамовы.

«Калі гэтая сустрэча была закліканая садзейнічаць спыненню вайны паміж Расіяй і Украінай, мы можам толькі гэта вітаць», — сказаў Аліеў. Ён дадаў, што сустрэча адбылася 12–14 ліпеня.

«Мне нічога не вядома пра якую-небудзь падобную сустрэчу», — у сваю чаргу адказаў Мерц на адпаведнае пытанне журналіста.