Іран пагражае Балгарыі

• 22.07.2026, 4:46

Сафія плануе размясціць на тэрыторыі краіны амерыканскую авіяцыю.

Іран папярэдзіў Балгарыю з-за намераў размясціць на тэрыторыі краіны самалёты ЗША. У Тэгеране заявілі, што такі крок стане «саўдзелам у агрэсіі».

Пра гэта паведамляе Reuters.

Міністэрства замежных спраў Ірана заклікала балгарскія ўлады не станавіцца «саўдзельнікам агрэсараў і парушальнікаў міжнароднага права». У ведамстве падкрэслілі, што любая дапамога ЗША ў ваенных аперацыях супраць Тэгерана будзе мець для Балгарыі палітычныя наступствы.

Заява іранскага боку прагучала на фоне ініцыятывы прэзідэнта Балгарыі Румена Радзева, які прапанаваў парламенту ўзгадніць размяшчэнне амерыканскай авіяцыі.