Міхаіла Драпатага тэрмінова абвясцілі ў вышук РФ

• 22.07.2026, 8:30

Адразу пасля прызначэння галоўнакамандуючым ЗСУ.

Нованазначаны галоўкам ЗСУ Міхаіл Драпаты абвешчаны МУС Расіі ў вышук. І гэта не першы раз, калі вайскоўца разыскваюць акупанты.

Пра гэта паведамляе РБК-Украіна са спасылкай на расійскае агенцтва ТАСС.

Згодна з паведамленнем, спецыяльная картка «Разыскивается» з’явілася ў базе вышуку МУС РФ адразу пасля прызначэння. Адзначаецца, што яго «разыскваюць па артыкуле КК».

Іншай канкрэтыкі — за што менавіта акупантамі абвешчаны ў вышук Драпаты, — няма. Інфармацыя пра канкрэтны артыкул КК РФ адсутнічае.

Але гэта не першы раз, калі Следчы камітэт Расіі цікавіцца ўкраінскім генерал-маёрам. Раней СК РФ завочна выстаўіў абвінавачанне Драпатаму.

Паводле ведамства, у 2017 і 2019 гадах ён разам з Віктарам Нікалюком ажыццяўляў агульнае камандаванне Аперацыяй Аб’яднаных сіл Украіны.

Пад іх кіраўніцтвам украінскія войскі нібыта здзейснілі больш за 70 абстрэлаў населеных пунктаў у так званых «ДНР» і «ЛНР». Паведамляецца, што ў выніку нібыта загінулі і былі паранены 154 чалавекі.

Напярэдадні, 21 ліпеня, Уладзімір Зяленскі прызначыў Міхаіла Драпатага галоўнакамандуючым ЗСУ. На гэтай пасадзе ён змяніў Аляксандра Сырскага.

Паводле звестак крыніц Bloomberg, замест Сырскага разглядалі 11 кандыдатаў. Найбольш імаверным лічыўся Міхаіл Драпаты, які раней узначальваў Аб’яднаныя сілы ЗСУ.

Таксама мы паведамлялі пра баявы шлях новага галоўнакамандуючага. За плячыма Драпатага — прарыў з «Ізварынскага катла», спыненне наступу на Крывы Рог і ўдзел у вызваленні правабярэжнай Херсоншчыны.