«Беларусбанк» увёў змены па крэдытах на нерухомасць

• 22.07.2026, 9:24

Многія нават не чулі пра такі варыянт жылля.

«Беларусбанк» увёў змены па крэдыце «Стройдом». Цяпер яго можна аформіць на ўзвядзенне або набыццё бізнес-апартаментаў у шматфункцыянальных або жылых комплексах. Ліміт пазыкі — да 200 000 рублёў, піша «Зеркало».

Гэты крэдыт можна атрымаць на тэрмін да 12 гадоў. На будаўніцтва або набыццё апартаментаў яго даюць пад 14,9% гадавых. Пагашэнне асноўнага доўгу — з 13-га месяца.

Раней «Зеркало» распавядала, што сабой уяўляюць бізнес-апартаменты. Напрыклад, яны адносяцца да нежылай нерухомасці, таму да іх прымяняюцца асобныя патрабаванні, у тым ліку па пажарнай бяспецы. Напрыклад, у памяшканні павінны быць датчыкі дыму і пажарная сігналізацыя.