«Магі» забралі ў жыхаркі Ашмянаў 35 тысяч рублёў

• 22.07.2026, 13:25

Беларуска лічыла, што прычынай яе жыццёвых цяжкасцяў сталі патойбочныя сілы.

54-гадовая жыхарка Ашмянаў за год перавяла інтэрнэт-махлярам амаль 35 тысяч рублёў. Жанчына лічыла, што прычынай яе жыццёвых цяжкасцяў сталі патойбочныя сілы, і шукала ў сетцы чалавека, які дапаможа пазбавіцца ад іх уздзеяння.

Той пагадзіўся праводзіць платныя сеансы і пераканаў кліентку пералічваць грошы за яго «экстрасенсорныя здольнасці». Зносіны працягваліся на працягу 2025 года. За гэты час жыхарка райцэнтра аддала зламыснікам амаль 35 тысяч рублёў.

Падчас перапіскі жанчына паведаміла суразмоўцам персанальныя даныя. Махляры выкарысталі іх, каб аформіць на імя беларускі віртуальную банкаўскую картку, а потым праводзілі праз яе падазроныя фінансавыя аперацыі.

З-за транзакцый уладальніца рахунку трапіла ў поле зроку праваахоўнікаў. Падчас допыту яны высветлілі, што жанчына сама стала ахвярай аферыстаў і не ведала, як выкарыстоўваюць аформленую на яе картку.

Узбуджана крымінальная справа аб махлярстве ў буйным памеры. Максімальнае пакаранне паводле гэтага артыкула — да сямі гадоў пазбаўлення волі.