«У гэтым будынку ёсць душа»

• 22.07.2026, 14:36

На продаж выставілі турыстычны цэнтр на беразе возера.

У Расонскім раёне на таргі выставілі турыстычны цэнтр, які размешчаны на беразе возера Мяжно.

«У гэтым будынку ёсць душа. Яна чакае толькі вашай рукі, каб зазіхацела новымі фарбамі. Месцазнаходжанне турыстычнага цэнтра — прамая берагавая лінія. Выгляд на возера — галоўная каштоўнасць аб’екта», — адзначаецца ў аб’яве.

За дом плошчай 140,4 кв. м, а таксама альтанку і навес хочуць выручыць 111 000 рублёў. Зямельны ўчастак займае 16 сотак, адзначае «Зеркало».

Але патэнцыйным пакупнікам трэба ўлічваць, што тэрыторыя каля гэтага дома — вадаахоўная зона.

Таргі прызначаныя на 20 жніўня.