Ураджэнец Беларусі ўвайшоў у топ-250 найбагацейшых амерыканскіх імігрантаў

• 22.07.2026, 20:02

Ігар Тульчынскі пераехаў у ЗША ва ўзросце 11 гадоў.

Былы мінчанін Ігар Тульчынскі прадставіў Беларусь у рэйтынгу Forbes найбагацейшых грамадзян ЗША, народжаных за мяжой. Ён заняў у ім 138-е месца як заснавальнік і ўладальнік інвестыцыйнай кампаніі WorldQuant, піша выданне «Беларусы і рынак».

Ігар Тульчынскі нарадзіўся ў Мінску ў сям'і музыкаў у 1966 годзе. Калі яму было 11 гадоў, бацькі пераехалі ў ЗША. Ягоныя статкі цяпер ацэньваюцца ў 1,7 мільярда долараў.

Спіс краін і тэрыторый, якія прадстаўляюць мільярдэры-імігранты, пашырыўся да 45 — у 2025 годзе гэты паказчык складаў 42. У рэйтынгу з'явіліся Гаіці, Філіпіны, Польшча і Іспанія. У той жа час Гватэмала страціла свайго адзінага прадстаўніка: сузаснавальнік Duolingo Луіс фон Ан выйшаў з клуба мільярдэраў на фоне падзення кошту акцый.

Другі год запар па колькасці мільярдэраў-імігрантаў лідзіруе Індыя: іх колькасць дасягнула рэкордных 19 чалавек, што на сем больш, чым летась.