Пажары на расійскіх складах Wildberries бачныя з космасу

• 22.07.2026, 21:06

З'явіліся спадарожнікавыя здымкі.

Сталі вядомыя наступствы удараў ЗСУ па лагістычных цэнтрах Wildberries у Краснадарскім і Стаўрапольскім краях РФ.

Спадарожнікавыя здымкі пажараў публікуе расійская служба «Радыё Свабода».

Першы спадарожнікавы здымак пажару на складзе Wildberries у Нявіннамыску Стаўрапольскага краю зроблены а 11:05 па мясцовым часе.

Таксама «Радыё Свабода» паказала здымкі з космасу пажару на складзе Wildberries у Краснадары. Судзячы па фота, агонь мог ахапіць вагоны на размешчанай побач са складам чыгуначнай станцыі «Краснадар — Сартыровачная». Больш дакладнай ацэнцы шкоды перашкаджае воблачнае надвор'е.