Зяленскі расказаў пра сігналы ад атачэння Пуціна

• 22.07.2026, 22:08

Прэзідэнт Украіны таксама паведаміў пра перамовы з ЗША.

Прэзідэнт Украіны Уладзімір Зяленскі заявіў, што сітуацыя на фронце, санкцыі далёкага дзеяння і ўдары па Расіі стварылі вакол Уладзіміра Пуціна «вельмі таксічную атмасферу». Пра гэта кіраўнік украінскай дзяржавы паведаміў у звароце 22 ліпеня, стэнаграму якога апублікавала яго прэс-служба.

Паводле яго слоў, бліжэйшае атачэнне Пуціна ўжо ўсведамляе, што менавіта дыктатар нясе адказнасць за пачатак і працяг вайны.

«Зараз, вядома, сітуацыя на фронце, сітуацыя з нашымі санкцыямі далёкага дзеяння, з міддлстрайкамі стварае новую атмасферу вакол Пуціна — вельмі таксічную атмасферу. Толькі ён з’яўляецца прычынай таго, што вайна пачалася і не заканчваецца. Толькі Пуцін з’яўляецца прычынай тых страт, якія нясуць расіяне», — заявіў прэзідэнт.

Зяленскі сцвярджае, што атачэнне Пуціна гэта разумее і «сігналізуе» пра гэта Украіне і яе партнёрам.

У той жа час Украіна працягвае дыпламатычныя намаганні па спыненні вайны. У прыватнасці, як паведаміў Зяленскі, 22 ліпеня ён разам з сакратаром СНБО Рустэмам Умеравым, кіраўніком Офіса Прэзідэнта Украіны Кірылам Буданавым і першым намеснікам міністра замежных спраў Сяргеем Кісліцам правёў размову з прадстаўнікамі прэзідэнта ЗША Дональда Трампа Стывам Уіткафам і Джарэдам Кушнерам.

«Мы не спыняемся ў спробах спыніць гэтую вайну, галоўнае — каб расіяне сапраўды былі гатовыя да спынення вайны», — дадаў Зяленскі.