Ліга канферэнцый: БАТЭ згуляў унічыю са швейцарскім «Сьёнам»

• 23.07.2026, 22:25

1:1.

БАТЭ і «Сьён» разышліся мірам у матчы кваліфікацыі Лігі канферэнцый. Сустрэча прайшла на стадыёне «Мехці Гусейнзадэ» ў Сумгаіце (Азербайджан) і завершылася з лікам 1:1.

Гаспадары адкрылі лік на 16-й хвіліне. Нападнік Уладзіслаў Варакса атрымаў перадачу ад паўабаронцы Ягора Русакова і адзначыўся дакладным ударам.

Госці адыграліся ў канцоўцы першага тайма. На 42-й хвіліне паўабаронца Уінслі Ботэлі аднавіў раўнавагу пасля перадачы нападніка Рылінда Нівоказі.

Наступны матч БАТЭ правядзе супраць «Сьёна» 30 ліпеня а 21:15 па Мінску.