У Беларусі вось-вось з’явіцца навацыя ў пераводах грошай праз АРІП

• 24.07.2026, 8:10

Што трэба зрабіць, каб сродкі дайшлі?

З 25 ліпеня ва ўсіх банках Беларусі павінна з’явіцца навацыя ў пераводах грошай праз АРІП па нумары мабільнага тэлефона. Для залічэння сродкаў такім спосабам патрэбна будзе згода атрымальніка. «Сбер Банк» папярэдзіў кліентаў, што ім лепш зрабіць да 25 ліпеня.

З 25 ліпеня гэтага года ўступаюць у сілу змены, прадугледжаныя пастановай Нацбанка. «Каб і надалей атрымліваць пераводы па нумары тэлефона праз сістэму АРІП, карыстальнікам неабходна загадзя даць згоду на такія аперацыі, — удакладняе «Сбер Банк». — Гэтае патрабаванне распаўсюджваецца на кліентаў усіх банкаў Беларусі».

У банку таксама ўдакладнілі, што будзе, калі пасля 25 ліпеня гэтай згоды не будзе:

«Калі вам паспрабуюць адправіць перавод па нумары тэлефона праз АРІП, а адпаведная згода не будзе дадзена, аперацыя не будзе завершана. У гэтым выпадку вы атрымаеце push-апавяшчэнне ад сістэмы з прапановай аформіць доступ да сэрвісу непасрэдна ў СБОЛ (мабільнае прыкладанне і асабісты кабінет у вэб-версіі. — Заўв. рэд.) і завяршыць прыём сродкаў. Калі перавод па нумары тэлефона недаступны, вы ўсё адно зможаце папоўніць рахунак або картку праз АРІП. Для гэтага адпраўніку трэба будзе ўказаць ваш нумар рахунку — такі спосаб пераводу працуе без дадатковых згодаў».