«Адысэя» Нолана прымусіла зумераў адкрыць старажытны эпас Гамэра

• 24.07.2026, 12:53

Продажы ўсіх выданняў «Адысэі» ў гэтым годзе павялічыліся на 76%.

Нашумелы фільм Крыстафера Нолана «Адысэя» не толькі стаў касавым поспехам, але і нечакана вярнуў цікавасць да старажытнагрэчаскай паэмы Гамэра сярод маладых гледачоў. Пасля выхаду стужкі рэзка выраслі продажы кнігі і колькасць праслухоўванняў аўдыяверсіі твора, піша Variety (пераклад — сайт Charter97.org).

Продажы ўсіх выданняў «Адысэі» ў гэтым годзе павялічыліся на 76%. Асаблівы рост зафіксавалі на платформе Spotify, дзе аўдыторыя аўдыякнігі значна пашырылася пасля прэм'еры фільма.

«Адысэю» слухалі на Spotify на дзесятках моў і ў 91 версіі аўдыякнігі», — паведамляе выданне Variety. У дзень выхаду фільма колькасць праслухоўванняў вырасла больш як на 500%, а ўжо пасля прэм'еры паказчык аказаўся прыкладна на 680% вышэй за звычайны ўзровень.

Асабліва актыўна да твора звярнуліся маладыя слухачы. Сярод аўдыторыі аўдыякнігі 36% прыпадае на прадстаўнікоў пакалення зумераў, яшчэ 45% — на міленіялаў.

Фільм Нолана з Мэтам Дэйманам у ролі Адысея апавядае гісторыю цара Ітакі, які пасля Траянскай вайны спрабуе вярнуцца дадому, сутыкаючыся з багамі, пачварамі і міфічнымі істотамі.

«Заўсёды цікава бачыць, як улюбёныя класічныя творы знаходзяць новую аўдыторыю», — заявіла старшая рэдактарка аўдыякніг Spotify Лена Ян. Паводле яе слоў, аўдыёфармат дае сучасным слухачам новы спосаб пазнаёміцца з гісторыямі, якім ужо амаль тры тысячы гадоў.