Лукашэнка абурыўся, што для будаўніцтва новага завода ў Беларусі патрэбныя ажно два ўказы

• 24.07.2026, 18:03

Дыктатар на 33-м годзе кіравання абрынуўся на створаную ім жа сістэму.

Аляксандр Лукашэнка на нарадзе 24 ліпеня абурыўся, што для новага завода ў краіне патрэбныя ажно два яго ўказы. Падрабязнасці прыводзіць БелТА.

Паводле слоў дыктатара, рэалізацыя інвестыцыйных праектаў за мяжой ідзе не так хутка, як неабходна; ён агучыў, што менавіта замінае паскарэнню.

Лукашэнка назваў уласную ўнутраную непаваротлівасць, бюракратызм, недысцыплінаванасць:

– Самі сабе ствараем надуманыя праблемы, з якімі гераічна змагаемся месяцамі.

Адзін з прыкладаў — гісторыя з праектам новага цэлюлознага камбіната ў Віцебскай вобласці.

– Выяўляецца, патрэбныя ажно два прэзідэнцкія ўказы: першы – каб у літаральным сэнсе слова расчысціць пляцоўку пад будаўніцтва ад старых інвестараў, другі – каб запусціць новы інвестпраект. Не важна, два ці адзін, але вы ўнясіце, – заявіў узурпатар.

Лукашэнка звярнуў увагу на чыноўнікаў, якія ўжо які месяц пераліваюць з пустога ў парожняе, пры гэтым праект не рухаецца.