Беларусы выстраіліся ў велізарную чаргу ў Віцебску

• 24.07.2026, 21:02

Фотафакт.

У Віцебску ў пятніцу заўважылі велізарную чаргу. Людзі прыйшлі на маштабны распродаж, які праводзіць буйная абутковая фабрыка, перадае «Точка».

Пакупнікам абяцалі вялікія зніжкі і аптовыя цэны.

У Threads адна з карыстальніц адзначыла, што людзі выстраіліся ў чаргу на вул. Суражскай, 3. Яна выклала фатаграфію адтуль.

«Асабіста я, як убачыла, колькі народа ранiцай у буднi дзень, вырашыла не стаяць — не люблю натоўпы», — напісала яна.

Таксама дзяўчына задалася такім пытаннем: «А вы б стаялі ў такой чарзе?»

Пад яе публікацыяй людзі пачалі актыўна абмяркоўваць гэту акцыю. Хтосьці таксама падзяліўся фатаграфіяй чаргі.

Вось толькі некаторыя каментары:

«Чаму ўсе гэтыя людзі не працуюць? Зразумела, таксама не пайду»

«Хацела схадзіць, добра, што не пайшла»

«Не. Абутак — прывітанне з 90-х, толькі для пенсіянераў на лаўцы сядзець»

«На фота яшчэ «невялікая» чарга. Мела неасцярожнасць паспрабаваць пастаяць, у працэсе матывацыя знікла»

«О, мы хацелі заехаць пасля працы, цяпер ужо сумняваюся, цікава, якая там сітуацыя зараз»

«Зараз чарга ўжо метраў на 100 за брамай уздоўж вуліцы. Калі кожны правядзе там у сярэднім 30 хвілін (выбраць, прымераць, памяняць, прымераць)... Дык хвост чаргі і 26 ліпеня не зайдзе».