Украіна ў трэці раз атакавала Цюменскі НПЗ за 2000 км ад сваёй мяжы

• 25.07.2026, 12:47

Успыхнуў буйны пажар.

Уначы або раніцай 25 ліпеня Сілы абароны Украіны паўторна нанеслі ўдар па нафтаперапрацоўчым заводзе ў Цюмені — адным з найбуйнейшых прадпрыемстваў нафтаперапрацоўчай галіны Заходняй Сібіры, як даведаўся Dialog.UA.

Паводле паведамленняў OSINT-даследчыкаў і маніторынгавых паблікаў, пасля атакі БПЛА на тэрыторыі НПЗ успыхнуў буйны пажар. У Сеціве шырока распаўсюджваюцца кадры з узгараннем, якія пацвярджаюць удар па аб’екце. Цюмень размешчаная больш як за 2000 кіламетраў ад мяжы з Украінай, што робіць гэтую аперацыю адной з найдалейшых з пачатку вайны супраць РФ.

Гэта ўжо не першая атака на Цюменскі НПЗ. 6 чэрвеня на аб’екце ўжо быў зафіксаваны буйны пажар.