Украіна адрэагавала на заклік Такаева да Пуціна «замарозіць» вайну

• 26.07.2026, 13:13

З заявай выступіў в.а. міністра замежных спраў Андрэй Сібіга.

Украіна падтрымлівае заклік прэзідэнта Казахстана Касыма-Жамарта Такаева да расійскага дыктатара Уладзіміра Пуціна «замарозіць» вайну.

Аб гэтым паведамляе РБК-Украіна са спасылкай на заяву в.а. міністра замежных спраў Украіны Андрэя Сібігі.

«Цэнім заклікі прэзідэнта Касыма-Жамарта Такаева да Пуціна пра тое, што пара спыніць вайну. Рэалістычны, своечасовы і мудры зварот», — адзначыў Сібіга.

Ён нагадаў, што Украіна прапанавала спыніць вайну ўздоўж цяперашняй лініі фронту і перайсці да дыпламатыі, але Крэмль працягвае адкідаць гэты ясны шлях да міру.

Нагадаем, 25 ліпеня прэзідэнт Казахстана Касым-Жамарт Такаеў на асабістай сустрэчы з дыктатарам Уладзімірам Пуціным прапанаваў «замарозіць» вайну Расіі супраць Украіны і вярнуцца да ўмоў перамоў у Стамбуле 2022 года.