ЗША і Украіна хочуць прапанаваць Расіі паветранае перамір’е

• 26.07.2026, 22:45

У Крэмлі адказалі.

Прэзідэнты Украіны і ЗША Уладзімір Зяленскі і Дональд Трамп плануюць сустрэцца ў Вашынгтоне 28 ліпеня. Напярэдадні візіту Зяленскага ўкраінскія і амерыканскія службовыя асобы абмяркоўвалі прапанову пра спыненне агню ў паветры.

Пра гэта 24 ліпеня са спасылкай на ўкраінскую крыніцу паведаміла Reuters.

Прапанову пра паветранае перамір’е павінны перадаць дзяржаве-агрэсару РФ.

Суразмоўца выдання адзначыў, што Украіна ўжо звярталася да кіраўніка Крэмля Уладзіміра Пуціна з прапановамі аб спыненні агню. Гэтыя прапановы былі адхілены.

Аднак некаторыя чыноўнікі лічаць, што пазіцыя Пуціна можа змякчэць — на фоне ціску на расійскую эканоміку з-за ўкраінскіх удараў па нафтавай інфраструктуры і лагістыцы Расіі.

Прэс-сакратар Крэмля Дзмітрый Пяскоў заявіў, што РФ пакуль не будзе каментаваць інфармацыю аб абмеркаванні Украінай і ЗША магчымасці спынення паветраных атак. Паводле слоў Пяскова, для гэтага «яшчэ занадта рана».