Порт, будынак ФСБ: магутныя выбухі прагучалі ў Растове і Белгарадзе

• 27.07.2026, 7:51

Масавыя атакі дронаў ЗСУ.

У ноч з 26 на 27 ліпеня і раніцай 27 ліпеня тэрыторыя краіны-агрэсара РФ падверглася серыі атак дронаў. Пад ударам — Растоў-на-Доне і Белгарад, піша New Voice.

У Белгарадзе прагучала серыя выбухаў, пачаліся пажары. Паводле папярэдніх звестак, некалькі дронаў ударылі па тэрыторыі УФСБ у Белгарадскай вобласці на вуліцы Пераабражэнскай. Пра гэта паведамляюць мясцовае выданне «Пепел.Белгород» і маніторынгавы канал Exilenova+. Выданне піша, што на месцы ўдару па будынку ФСБ пачаўся пажар.

Пазней стала вядома яшчэ пра адзін выбух дрона — у двары шматкватэрнага дома №79 на вуліцы Багдана Хмяльніцкага ў цэнтры Белгарада, дзе таксама ўспыхнуў пажар.

У тую ж ноч атаке падвергся і Растоў-на-Доне. Маніторынгавы Telegram-канал Exilenova+ паведамляў пра моцныя выбухі ў горадзе і меркаваных ударах па чыгуначнай інфраструктуры.

Пазней у тым жа канале з'явілася інфармацыя пра пападанні ў раёне гарадскога порта — там таксама зафіксаваныя «прылёты».