Лондан перадасць Кіеву правы на тэхналогію РЭБ Stone Cloak

• 27.07.2026, 9:36

Зяленскі ўпершыню сустрэнецца з новым прэм'ер-міністрам Вялікабрытаніі.

Прэзідэнт Украіны Уладзімір Зяленскі у панядзелак, 27 ліпеня, адправіцца з візітам у Вялікабрытанію, дзе сустрэнецца з новым прэм'ер-міністрам Эндзі Бёрнэмам. Чакаецца, што падчас візіту Вялікабрытанія перадасць Украіне правы на вытворчасць сваёй сістэмы радыёэлектроннай барацьбы Stone Cloak — пра гэта піша The Independent.

Зяленскі стане першым замежным госцем Бёрнэма з моманту яго ўступлення на пасаду прэм'ер-міністра тыдзень таму. Лідары наведаюць ваенна-марскую базу, дзе Бёрнэм абвесціць пра перадачу Украіне правоў інтэлектуальнай уласнасці на новую сістэму РЭБ Stone Cloak — гэта дазволіць Украіне самастойна вырабляць гэтую тэхналогію ў вялікіх аб'ёмах.

Прылада памерам з планшэт прызначаная для таго, каб расійскія сілы не маглі выявіць беспілотнікі, на якіх яна ўсталяваная, адзначае The Independent. Паводле выдання, Міністэрства абароны Вялікабрытаніі ўжо перадала Сілам абароны Украіны тысячы такіх сродкаў РЭБ для ўзмацнення аперацый з ужываннем БПЛА.

Акрамя таго, лідары сустрэнуцца з больш як 200 украінскімі вайскоўцамі, якія апошнія тры тыдні праходзілі ў Вялікабрытаніі вучэнні Sea Breeze, накіраваныя на ўмацаванне баявых магчымасцяў і супрацьмінных мер у Чорным моры.

Раней Бёрнэм — адразу пасля ўступлення на пасаду прэм'ер-міністра — заявіў пра непахісную падтрымку Украіны і рашучасць дамагчыся трывалага і справядлівага міру.