«Другая армія трэцяга свету»

• 27.07.2026, 16:58

У сеці смяюцца з п’яных выбрыкаў расійскіх маракоў.

Дзень ВМФ РФ скончыўся ганьбою. Пуцін прыехаў у Адміралцейства ў Санкт-Пецярбургу, дзе яго сустрэў ганаровы каравул. Пасля гэтага Пуцін уручыў дзяржаўныя ўзнагароды ваеннаслужачым ВМФ, выступіў перад імі і паразмаўляў з узнагароджанымі. Замест параду — ганаровы каравул у двары будынка.

У сеці з’явілася відэа, як п’яныя расіяне святкуюць дзень ВМФ РФ купаннем у фантане. Ролік сабраў шмат іранічных каментароў:

«Другая армія трэцяга свету».

«Улічваючы іх вынікі, іх хутка скасуюць як род войскаў».

«Адразу відаць — культурная сталіца».

«Вялікасць смехдзяржавы», — пішуць у каментарыях.