ЗСУ адказалі на пагрозы Ірана пасля ўдараў у Каспійскім моры

• 27.07.2026, 22:26

Меркаванне Тэгерана адносна атак на лагістыку расіян Кіеў не хвалюе.

Лагістыка, якая дапамагае Расіі весці вайну супраць Украіны, з’яўляецца законнай ваеннай мэтай для Узброеных сіл Украіны. Пра гэта спікер Ваенна-марскіх сіл ЗСУ Дзмітро Плетэнчук заявіў у эфіры нацыянальнага тэлемарафону.

Каментуючы пагрозы Ірана, ён, у прыватнасці, заявіў: «У такіх сітуацыях часта кажуць: «Няхай зап’юць халоднай вадой». Відаць, у іх там вельмі горача, і гэтай вады проста няма».

Плетэнчук дадаў, што меркаванне Ірана адносна атак на ваенную лагістыку расіян павінна хваляваць Украіну ў апошнюю чаргу.

«Краіна, якая падтрымлівае іншага ворага не толькі словамі, але і непасрэдна, надаўшы яму такі інструмент тэрору, як дроны-камікадзэ, пашырыўшы іх вытворчасць на сваёй тэрыторыі і праводзячы падрыхтоўку аператараў, — напэўна, яе меркаванне — апошняе, што павінна нас непакоіць у такой сітуацыі», — падкрэсліў спікер ВМС.