Украіна паразіла амаль дзясятак электрападстанцый у Крыме

• 3.07.2026, 13:32

У шэрагу населеных пунктаў акупаванага паўвострава знікла святло.

У ноч на пятніцу, 3 ліпеня, Сілы беспілотных сістэм УСУ паразілі дзевяць электрападстанцый у часова акупаваным Крыме. Пра гэта паведаміў камандуючы СБС Роберт (Мадзяр) Броўдзі.

Усяго СБС паспяхова адпрацавалі 48 мэтаў. Сярод іх — газавая кампрэсарная станцыя ў населеным пункце Ключы ў Крыме, а таксама наступныя падстанцыі:

электрападстанцыя 35 кВ Тарханкуцкай ВЭС, Акунеўка;

ПС 35 кВ Тарханкут, Чарнаморскае;

ПС 110 кВ Белагорск;

ПС 110/35 кВ, Выпасное;

ПС 110 кВ Сакі;

ПС 110 кВ Таврыя, Ключы;

ПС 110 кВ Мікалаеўка, Вінніцкае;

ПС 110 кВ Стары Крым;

ПС 330/110 кВ Заходне-Крымская, Кар’ернае.

Раней маніторынгавыя паблікі паведамлялі пра ўдары як мінімум па сямі электрападстанцыях у Крыме ў ноч на 3 ліпеня. У прыватнасці, гарэлі падстанцыі ў горадзе Сакі і ў Старым Крыме.

У шэрагу населеных пунктаў акупаванага паўвострава знікла святло, пісаў «Крымскі вецер». У той жа час «улады» анексаванай тэрыторыі заяўлялі пра «аварыі» ў сетках.