Беспілотнікі атакавалі таямнічы прамысловы аб’ект у Смаленскай вобласці РФ

• 3.07.2026, 13:35

На прадпрыемстве ў выніку паветранага ўдару пачаўся пажар.

У ноч на 3 ліпеня украінскія БПЛА атакавалі стратэгічныя аб’екты ў Смаленскай вобласці Расіі, у выніку пашкоджана прамысловае прадпрыемства. Пра гэта піша Диалог.UA, які правёў маніторынг сацсетак і мэсэнджараў.

Губернатар Смаленскай вобласці Васіль Анохін пацвердзіў, што ўначы 3 ліпеня ў рэгіёне абвяшчалі паветраную небяспеку. Ён прызнаў, што пад атаку трапіў прамысловы аб’ект. На прадпрыемстве ў выніку паветранага ўдару пачаўся пажар. Якое менавіта гэта прадпрыемства, губернатар не ўдакладніў. Анохін сцвярджае, што супрацоўнікам МНС, якія прыбылі на месца здарэння, удалося лакалізаваць пажар.

Ён заклікаў мясцовых жыхароў захоўваць меры перасцярогі і пры выяўленні частак БПЛА не падыходзіць да іх.

Жыхары Смаленскай вобласці пакуль не паведамляюць, якую мэту ў іхнім рэгіёне атакавалі украінскія беспілотнікі. Мінабароны РФ у сваёй зводцы заяўляе, што ў ноч на 3 ліпеня расійская СПА ў небе над Смаленскай вобласцю збівала украінскія беспілотнікі, але не назвала іх колькасць.

Усяго ж у ноч на пятніцу расійская СПА нібыта збіла 155 украінскіх БПЛА самалётнага тыпу. У Смаленскай вобласці знаходзіцца шмат военных і стратэгічных аб’ектаў Расіі, і ЗСУ па іх рэгулярна наносяць удары.

Напрыклад, у ноч на 25 лютага 2026 года украінскія БПЛА «наведалі» хімічны завод у горадзе Дарагабуж, чыя аміячная селітра выкарыстоўваецца ў ваенна-прамысловым комплексе Расіі.