Акупант Туленкоў, які ваяваў ва Украіне, заклікаў Крэмль неадкладна капітуляваць

• 3.07.2026, 15:51

Вайна прайграна, так бывае.

Былы расійскі зняволены Данііл Туленкоў, які ваяваў супраць Украіны ў складзе падраздзялення «Шторм Z», заявіў, што РФ ужо прайграла вайну.

Паводле яго слоў, далейшае працягненне баявых дзеянняў толькі пагоршыць становішча краіны, піша Dialog.UA.

На яго думку, перад РФ застаецца выбар паміж капітуляцыяй прама цяпер і капітуляцыяй з яшчэ больш цяжкімі наступствамі пазней.

Туленкоў сцвярджае, што магчымасць дамагчыся больш выгадных умоваў была ўпушчана раней – год таму, а цяпер, паводле яго слоў, Маскве варта згаджацца нават на «шчадны» варыянт завяршэння вайны.

«Вайна прайграна, так бывае. Нічога тут такога няма. Пра прымальныя ўмовы трэба было думаць год таму», – заявіў ён.

Ён таксама прызнаў, што наступствы цяперашняй палітыкі давядзецца несці наступным пакаленням расіян. Падсумоўваючы, удзельнік злачыннай вайны супраць Украіны заявіў, што, выбіраючы паміж «ганьбай і вайной», Расія, на яго думку, у выніку атрымала і паразу, і неабходнасць «неяк выжываць».