Раналду звярнуўся да Мадрыча пасля перамогі Партугаліі над Харватыяй на чэмпіянаце свету-2026

• 3.07.2026, 16:23

«Ён — легенда футболу».

У пятніцу, 3 ліпеня, зборная Партугаліі выйшла ў 1/8 фіналу чэмпіянату свету-2026, перамогшы Харватыю з лікам 2:1.

Свой уклад у перамогу зрабіў Крыштыяну Раналду, які зраўняў лік, рэалізаваўшы пенальці. А ўжо на апошніх хвілінах матчу Гансалу Рамуш прынёс перамогу сваёй камандзе.

Пасля матчу капітан партугальцаў звярнуўся да былога аднаклубніка па «Рэале» і лідара «клятчастых» Лукі Мадрыча. Раналду заявіў, што харват з'яўляецца легендай футболу, і пажадаў яму ўсяго найлепшага ў далейшай кар'еры, паведамляе Fox Sports.

«Я граў з Лукой многа гадоў. Мы амаль аднаго ўзросту. Ён — легенда футболу. І ён дагэтуль застаецца легендай, таму што працягвае гуляць на такім высокім узроўні і дэманстраваць неверагоднае майстэрства. Гэта ўражвае.

Віншую з усім, чаго ты дасягнуў. Я быў рады зноў убачыць цябе і жадаю ўсяго найлепшага ў наступныя гады тваёй кар'еры. Было цудоўна зноў сыграць супраць яго», — сказаў Раналду.

У 1/8 фіналу Партугалія згуляе з Іспаніяй, якая выбіла Аўстрыю з турніру.