Экс-кіраўніка Расавіяцыі адправілі ў СІЗА за крадзеж $10 мільёнаў

• 3.07.2026, 18:47

Расійскія ўлады не далічыліся ўзлётна-пасадачнай паласы ў Дамадзедаве.

3 ліпеня стала вядома, што ў Расіі экс-кіраўнік Расавіяцыі Аляксандр Нерадько папоўніў спіс апальных чыноўнікаў, яго затрымалі сілавікі па падазрэнні ў махлярстве.

Як паведамляе The Insider, пракуратура патрабавала адправіць Нерадько ў СІЗА, суд з гэтым пагадзіўся і арыштаваў чыноўніка.

За кратамі апынуўся і намеснік Нерадько Канстанцін Махов, падазраваным інкрымінуюць крадзеж каля 800 млн рублёў пры будаўніцтве ўзлётна-пасадачнай паласы ў Дамадзедаве. Праект распачалі ў 2014 годзе і ён меў завяршыцца ў 2016-м, яго ацэньвалі ў 12,85 млрд рублёў. Кампанія «СУ-1», якая займалася будаўніцтвам ВПП-2, спыніла работы ў 2018 годзе, а ў 2019-м абвясціла пра банкруцтва і была ліквідаваная.

Нерадько пагражае да 10 гадоў пазбаўлення волі, падрабязнасці крымінальнай справы невядомыя. Ён узначальваў Расавіяцыю з 2009-га. У 2022 годзе шэраг яго падначаленых звольнілі праз падазрэнне ў хабарніцтве. У 2023 годзе сваёй пасады пазбавіўся Аляксандр Нерадько, яго месца 16 верасня заняў Дзмітрый Ядров.