У Чарнобыльскай зоне пранёсся вогненны смерч

• 3.07.2026, 21:16

Украінскія ратавальнікі тушаць пажары, якія былі выкліканыя атакамі расіян.

У Чарнобыльскай зоне адчужэння з-за моцнага ветру і пажараў, што пачаліся ў выніку расійскіх атак, утварыўся вогненны смерч. Пра гэта паведамляе Дзяржаўная служба Украіны па надзвычайных сітуацыях ў Facebook.

Ратавальнікі, якія змагаюцца з агнём, апублікавалі кадры незвычайнай прыроднай з’явы.

«Вогненны смерч: вецер, пыл і полымя зліваюцца ў адну знішчальную сілу! Менавіта так выглядае пажар, з якім бесперапынна змагаюцца ратавальнікі Кіеўскай вобласці ў Чарнобыльскай зоне адчужэння», — сказана ў паведамленні ДСНС.

Украінскія ратавальнікі падкрэслілі, што яны з дня ў дзень стрымліваюць агонь у Чарнобыльскай зоне, каб не дапусціць яго далейшага распаўсюджвання.