Байцы ГУР знішчылі расійскі МіГ-29

• 4.07.2026, 14:36

На аэрадроме «Бельбек» у Крыме.

Пры ўдару дронаў ГУР па аэрадроме «Бельбек» у часова акупаваным Крыме ў ноч на 26 чэрвеня быў знішчаны расійскі знішчальнік МіГ-29.

Аб гэтым паведамляе Галоўнае ўпраўленне разведкі Міністэрства абароны Украіны.

«У ноч з 25 на 26 чэрвеня 2026 года спецыялісты Дэпартамента беспілотных сістэм ГУР Міністэрства абароны Украіны атакавалі аэрадром «Бельбек» у часова акупаваным Крыме. У выніку аперацыі знішчаны расійскі знішчальнік МіГ-29», — гаворыцца ў паведамленні.

Адзіным ударам спецназаўцы ГУР таксама спалілі аэрадромную пускавую ўстаноўку — у момант паражэння машына абслугоўвала баявы самалёт расійскіх акупантаў.

Прыблізныя страты Расіі могуць складаць дзясяткі мільёнаў долараў.

Знішчэнне знішчальнікаў РФ

Нагадаем, у ноч на 1 ліпеня дроны СБУ паразілі ангары з расійскімі знішчальнікамі на ваенным аэрадроме «Сакі» у акупаваным Крыме.

Пацверджана пяць трапленняў беспілотнікаў СБУ па ангарах, дзе захоўвалася авіяцыйная тэхніка.

Паводле папярэдняй інфармацыі, у двух ангарах на момант удару знаходзіліся знішчальнікі Су-30 і Су-30СМ.

Пасля атакі ў ангары, дзе знаходзіўся Су-30СМ, быў зафіксаваны пажар, што сведчыць пра паспяховае паражэнне мэты.