Долар у Беларусі можа наблізіцца да трох рублёў

• 4.07.2026, 20:27

Фінансавы аналітык даў прагноз курсу да пачатку восені.

Беларускі валютны рынак у ліпені з вялікай верагоднасцю чакае развіцця тэндэнцыі апошніх дзён чэрвеня. Такі прагноз даў фінансавы аналітык Міхаіл Грачоў для дзяржаўнага выдання «Мінск-Навіны».

«У тым выпадку, калі курс долара на расійскім рынку пераадолее адзнаку ў 80 рублёў і пойдзе вышэй, на беларускіх таргах абменны курс долара таксама працягне рух уверх, — прагназуе аналітык. — Тут можна чакаць, што долар выйдзе на адзнаку 2,925−2,950 рубля. Бліжэй да трох рублёў курс долара можа выйсці да пачатку восені, калі на фінансавым рынку традыцыйна расце актыўнасць».

Нагадаем, на таргах Беларускай валютна-фондавай біржы долар на гэтым тыдні то даражаў, то таннеў. На 4 ліпеня афіцыйны курс амерыканскай валюты — 2,905 рубля.