Зяленскі заклікаў АБСЕ прадаставіць ракеты Patriot

• 4.07.2026, 21:21

Украіна разлічвае на палітычную волю партнёраў.

Прэзідэнт Украіны Уладзімір Зяленскі звярнуўся да ўдзельнікаў сесіі АБСЕ і заявіў, што РФ хоча зламаць супраціў украінскага народа балістыкай. У сувязі з гэтым ён заклікаў узмацніць СПА Украіны, паведамляе «РБК-Украіна».

Зяленскі падкрэсліў, што Расія выкарыстоўвае балістычныя ракеты як свой апошні аргумент, каб працягваць вайну. І менавіта на гэта Крэмль робіць стаўку.

«Яны хочуць, каб балістычныя ракеты зламалі наш супраціў і волю ўкраінскага народа. Менавіта таму нам патрэбна больш СПА. Гаворка ідзе пра штодзённую абарону жыцця. Украіне крытычна патрэбныя ракеты-перахопнікі для Patriot. Мы ўсе ведаем: нашы партнёры іх маюць. Тое, што трэба цяпер, — гэта палітычная воля, каб прадаставіць іх. Перш за ўсё ў Злучаных Штатах», — сказаў прэзідэнт.

Ён адзначыў, што сёння Дзень незалежнасці ЗША, і Амерыка разам са свабодным светам можа дапамагчы Украіне абараніць незалежнасць нашай краіны ад РФ.

Таму Зяленскі заклікаў і далей выразна выступаць супраць расійскага тэрору і настойваць на патрэбе Украіны ў СПА.

«Дапамажыце зрабіць так, каб наша СПА, нашы сістэмы Patriot ніколі не заставаліся без патрэбных ім ракет. Менавіта гэта ратуе жыццё», — падсумаваў кіраўнік дзяржавы.