Міліцыя вылічыла расіяніна, які кінуў акурак на вуліцы ў Мінску

• 5.07.2026, 15:33

На маладога чалавека склалі адміністрацыйныя пратаколы.

Гісторыя з акуракам стала шырока вядомай, бо малады беларускі музыкант зрабіў мужчыну заўвагу, што той смеціць, а ў адказ пачуў нецэнзурныя абразы.

Міліцыя па відэа вылічыла расіяніна, які кінуў акурак.

Малады чалавек ішоў па Нямізе, адной з цэнтральных вуліц Мінска, разам з маці. Ён кінуў акурак якраз туды, дзе камунальнікі толькі што прыбралі. Беларус зрабіў яму заўвагу — у адказ пачуў агрэсію і расійскія маты.

5 ліпеня прэс-служба мінскай міліцыі паведаміла, што ў выніку аператыўна-вышуковых мерапрыемстваў была ўстаноўлена асоба гэтага госця сталіцы, і ён быў затрыманы. Ім аказаўся 18‑гадовы расіянін. Як патлумачыў праваахоўнікам хлопец, яны з маці прыехалі да сваякоў у Мінск і гулялі.

На маладога чалавека склалі адміністрацыйныя пратаколы — суд разгледзіць яго справу ў панядзелак, 6 ліпеня.