ЧС па футболе: Нарвегія сэнсацыйна перамагла Бразілію

• 6.07.2026, 7:35

Скандынавы перамаглі дзякуючы дублю Холанда.

Зборная Бразіліі саступіла Нарвегіі з лікам 1:2 у матчы 1/8 фіналу чэмпіянату свету па футболе 2026 года.

У пачатку сустрэчы нападнік бразільцаў Матеус Кунья зарабіў пенальці, але Бруну Гімараэш не здолеў адкрыць лік — варотар Эр'ян Нюланд адбіў удар паўабаронцы.

У першым тайме гледачы не ўбачылі забітых галоў. У сярэдзіне другой паловы сустрэчы супермомант не рэалізаваў Эндрык, які пасля выхаду адзін на адзін з Нюландам прабіў міма варот.

На 79-й хвіліне зборная Нарвегіі адкрыла лік: пасля падачы Андрэаса Шэльдэрупа з левага фланга Эрлінг Холанд выйграў барацьбу ў штрафной пляцоўцы і галавой адправіў мяч у вароты. На 90-й хвіліне Холанд аформіў дубль, замацаваўшы перамогу зборнай Нарвегіі. У дададзены час Нэймар рэалізаваў пенальці, але адыграцца Бразілія не паспела.

Зборная Нарвегіі ўпершыню ў гісторыі выйшла ў чвэрцьфінал ЧС. У наступным раўндзе скандынаўская зборная сыграе супраць пераможцы матчу Мексіка — Англія.