Z-блогер, які заклікаў да ўсеагульнай мабілізацыі ў РФ, збег з фронту

• 6.07.2026, 8:14

Яго абвясцілі ў вышук.

Расійскі Z-блогер, які ваюе ва Украіне, Ягор Гузенка, вядомы пад пазыўным Трынаццаты, абвешчаны ў вышук пасля самавольнага пакідання часці. Паводле звестак журналіста Дзяніса Казанскага, блогер пакінуў падраздзяленне, якое дзейнічае на данецкім кірунку і ўдзельнічае ў баях за Малую Токмачку.

Пра гэта Казанскі паведаміў у сваім Telegram-канале. Паводле яго слоў, Гузенка, які раней неаднаразова заклікаў да эскалацыі вайны, адмовіўся працягваць удзел у баявых дзеяннях і дэзертыраваў.

«Расійскі ваенны злачынца і Z-блогер Ягор Гузенка (Трынаццаты), якога адправілі ў штурм за п’янства, не захацеў браць Малую Токмачку і дэзертыраваў. Яго абвясцілі ў вышук. У сваім канале ён гадамі маляваў з сябе крыважэрнага берсерка, заклікаў да ўсеагульнай мабілізацыі ў РФ і да знішчэння Украіны. Але сам чамусьці рэалізоўваць свае хворыя фантазіі не захацеў і збег. У ягоным разуменні паміраць на вайне павінны нейкія іншыя рускія дуракі», — напісаў Казанскі.

Нагадаем, у лістападзе 2024 года Гузенка падпісаў кантракт з Міністэрствам абароны Расіі, такім чынам пазбегнуўшы рэальнага турэмнага тэрміну. Да гэтага ён публічна заяўляў пра нежаданне ўдзельнічаць у баявых дзеяннях, аднак у выніку аддаў перавагу накіравацца на фронт замест зняволення.