Сабаленка заявіла, што хоча «напіцца да страты прытомнасці»

• 6.07.2026, 9:27

Пасля выбыцця з Уімблдону.

Першая ракетка свету, беларуска Арына Сабаленка пасля паразы ад японкі Наомі Асака у чацвёртым крузе Уімблдону заявіла, што не адчувае ніякіх эмоцый, піша «Трыбуна»:

– Вядома, я незадаволеная сваёй гульнёй, але яна мяне перагуляла. Мне падалося, што яна прадэманстравала неверагодны ўзровень. Я старалася з усіх сіл. На жаль, сёлета не атрымалася.

– Якія эмоцыі ты адчуваеш цяпер, калі гэты турнір для цябе скончыўся?

– Ніякіх эмоцый. Проста ведаю, што справілася [з паразай] значна лепш, чым летась. Калі вы чакалі чагосьці сапраўды вясёлага, гэтага не будзе. Напэўна, будуць толькі кароткія адказы. Сёлета я ўсё сапсавала. У наступным годзе паспрабую выступіць лепш.

– Ці адчуваеце вы, што цяпер з'яўляецеся першай ракеткай свету? Калі не, што, на вашу думку, трэба зрабіць, каб вярнуць гэты статус?

– Цяпер я №1 у свеце. Паводле ўзроўню гульні — сёння я не была №1 у свеце. Да гэтага была. Я нават не хачу думаць пра рэйтынг у гэты момант. Я проста хачу сысці, напіцца да страты прытомнасці, забыць пра тэніс і паспрабаваць набраць лепшую форму, — сказала Сабаленка.

Нейтральная тэнісістка з беларускім пашпартам перарвала сваю серыю з 14 запар чвэрцьфіналаў турніраў Вялікага шлема, якая цягнулася з 2022 года. Таксама Сабаленка ўпершыню за 122 матчы на турнірах Вялікага шлема не выйграла ніводнага сэта.