Пасла Расіі выклікалі ў МЗС Азербайджана

• 6.07.2026, 17:14

Яму ўручылі ноту пратэсту.

Пасла Расіі ў Азербайджане Міхаіла Яўдакімава выклікалі ў МЗС краіны. Яму ўручылі ноту пратэсту, гаворыцца ў паведамленні МЗС Азербайджана.

«Падчас сустрэчы быў выказаны рашучы пратэст з прычыны ўдару беспілотніка, нанесенага вечарам 5 ліпеня па аўтазаправачнай станцыі SOCAR у Мікалаеўскай вобласці Украіны, і адпаведная вербальная нота была перададзеная расійскаму боку», — гаворыцца ў паведамленні.

У МЗС Азербайджана таксама згадалі выпадкі, якія адбыліся ў 2025 годзе. У прыватнасці, там нагадалі пра пашкоджанні будынка пасольства Азербайджана ў Кіеве і ганаровага консульства ў Харкаве.

Нагадаем, уначы на 6 ліпеня Расійская Федэрацыя здзейсніла маштабную камбінаваную атаку па тэрыторыі Украіны. Паводле звестак украінскага боку, былі запушчаныя 6 супрацькарабельных ракет 3М22 «Цыркон»/«Онікс» і 23 балістычныя ракеты «Іскандэр-М»/С-400. Паведамляецца, што зафіксаваныя пападанні 29 балістычных ракет, уключаючы супрацькарабельныя.

У выніку ўдару ў Кіеве павялічваецца колькасць загінулых. У Дарніцкім і Падольскім раёнах сталіцы зафіксаваныя пападанні ў жылыя шматпавярховыя дамы, пашкоджаныя цывільныя аб’екты.