Зяленскі расказаў, чаму Трамп змяніў меркаванне пра вайну з РФ

• 6.07.2026, 22:37

Прэзідэнт ЗША «хоча быць там, дзе ёсць поспех».

Змена пазіцыі прэзідэнта ЗША Дональда Трампа адносна вайны Расіі супраць Украіны можа быць выкліканая не толькі набліжэннем выбараў у Кангрэс ЗША, але і яго жаданнем быць на баку пераможцы. Такое меркаванне ў інтэрв'ю Financial Times, апублікаваным 6 ліпеня, выказаў прэзідэнт Украіны Уладзімір Зяленскі.

«Прэзідэнт Трамп хоча быць там, дзе ёсць поспех. Гэта звязана з многімі рэчамі — не толькі з яго асобай, але і з набліжэннем выбараў, з яго статусам, з яго верай у тое, як можна скончыць гэтую вайну», — сказаў Зяленскі.

Прэзідэнт Украіны дадаў, што здольнасць Украіны вырабляць і разгартаваць беспілотнікі дальняга радыюсу дзеяння змяніла канфлікт, дазволіўшы ЗСУ наносіць усё больш глыбокія ўдары па ваенных і энергетычных аб'ектах унутры Расіі.

Пры гэтым Зяленскі прызнаў, што Кіеў застаецца «крытычна ўразлівым» у пытанні сродкаў супрацьпаветранай (у прыватнасці, супрацьбалістычнай) абароны.

«Гэта галоўная слабасць [для Украіны] у гэтым ураўненні», — сказаў кіраўнік украінскай дзяржавы.