Зяленскі акрэсліў прыярытэты Украіны на саміце НАТА

• 8.07.2026, 3:07

Больш СПА і мацнейшыя дыпламатычныя пазіцыі.

Галоўная задача Украіны на саміце НАТА — атрымаць больш сістэм супрацьпаветранай абароны і ўмацаваць свае дыпламатычныя пазіцыі.

Пра гэта гаворыцца ў паведамленні прэзідэнта Украіны Уладзіміра Зяленскага у Telegram.

Прэзідэнт адзначыў, што саміт НАТА праходзіць у Анкары, і партнёры пацвярджаюць права Украіны прысутнічаць на гэтым узроўні. Паводле яго слоў, асноўная мэта ўкраінскага боку — умацаванне сістэм супрацьпаветранай абароны і ўзмацненне пазіцый на міжнароднай арэне.

Таксама кіраўнік дзяржавы паведаміў, што ўсе запланаваныя на дзень сустрэчы адбыліся, а таксама былі праведзены дадатковыя перамовы па-за графікам.

«Саміт НАТА ў Анкары, і, як кажуць партнёры, Украіна тут па праве. Наша галоўная задача — больш СПА і мацнейшыя дыпламатычныя пазіцыі. Адбыліся ўсе запланаваныя на сёння сустрэчы і яшчэ некаторыя важныя па-за планам. Украіна заўсёды працуе над эфектыўным і раўнапраўным партнёрствам і над абаронай жыцця. Дзякую кожнаму, хто дапамагае!» — напісаў Зяленскі.

Прэзідэнт падкрэсліў, што Украіна працягвае працаваць над раўнапраўным партнёрствам з саюзнікамі і засяроджваецца на абароне жыцця грамадзян.