ЗСУ падпалілі Саратаўскі НПЗ

• 8.07.2026, 7:34

З'явіліся відэа пажару.

У ноч на 8 ліпеня беспілотнікі атакавалі расійскія гарады Саратаў і Барысаглебск. У Саратаве пасля выбухаў узнік пажар у раёне нафтаперапрацоўчага завода, а ў Барысаглебску таксама паведамляюць пра ўзгаранне.

Пра гэта паведамляюць Telegram-каналы і OSINT-супольнасці, адзначае New Voice.

Паводле слоў губернатара Саратаўскай вобласці Рамана Бусаргіна, у рэгіёне абвешчана пагроза атакі беспілотнікаў, а ўсе экстранныя службы пераведзены ў рэжым падвышанай гатоўнасці.

Акрамя таго, у мясцовым аэрапорце часова ўвялі абмежаванні на прыём і адпраўку самалётаў.

Каля 02:40 па Мінску жыхары Саратава паведамілі пра серыю выбухаў. Пасля гэтага OSINT-супольнасці заявілі пра атаку на Саратаўскі нафтаперапрацоўчы завод, вядомы як «Крэкінг». У сеціве таксама з'явіліся відэа пажару паблізу прадпрыемства.

Акрамя таго, паводле інфармацыі OSINT-супольнасцяў, беспілотнікі атакавалі Барысаглебск Варонежскай вобласці. Там таксама зафіксаваны пажар.