У Беларусі падаражэла паліва

• 8.07.2026, 8:22

Падаражанне адбываецца на фоне маштабных паставак беларускага бензіна ў РФ.

На 1 капейку павялічыліся з 8 ліпеня на ўсіх беларускіх АЗС цэны на паліва.

Адпаведную інфармацыю распаўсюдзіў канцэрн «Белнафтахім».

Згодна з ёй, кошт літра АІ-92 складзе 2,59 рубля, АІ-95 — 2,69 рубля, АІ-98 — 2,91 рубля, а дызельнае паліва будзе прадавацца па 2,69 рубля за літр.

Нагадаем, што «Белнафтахім» пачаў практыкаваць павышэнне цэн з мінулага месяца.

З 24 чэрвеня цэны таксама выраслі на 1 капейку.

Варта адзначыць, падаражанне адбываецца на фоне маштабных паставак беларускага бензіна ў РФ.