Дроны ЗСУ ў Татарстане: гарыць нафтахімічны завод у Ніжнекамску

• 8.07.2026, 9:36

Пажар бачны нават з суседніх гарадоў.

У горадзе Ніжнекамск, што ў расійскім Татарстане, уначы ў сераду, 8 ліпеня, чуліся выбухі. Мясцовыя жыхары паведамляюць пра пажар і дым над горадам, піша тэлеграм-канал Astra.

Маніторынгавыя каналы паведамляюць пра верагоднае паражэнне дронамі нафтахімічнага прадпрыемства «Ніжнекамскнафтахім». На апублікаваных у сеціве кадрах бачна некалькі ачагоў пажару.

Саветнік міністра абароны Украіны Сяргей Стерненка таксама паведамляе пра паражэнне «Ніжнекамскнафтахіма», пажар на якім бачны нават з суседніх гарадоў.

Гэта адзін з найбуйнейшых нафтахімічных заводаў Расіі, які вырабляе сінтэтычны каўчук — крытычна важны кампанент для расійскага ваенна-прамысловага комплексу.

Горад Ніжнекамск размешчаны прыкладна ў 1200 км ад Украіны.