У Літву заляцелі чатыры беспілотнікі з Беларусі

• 8.07.2026, 10:28

Іх перахапілі.

Нядаўна ўначы літоўскія памежнікі адначасова перахапілі чатыры беспілотнікі з Беларусі, якія перавозілі кантрабандныя цыгарэты. Гэта першы падобны выпадак у дзейнасці памежнай службы суседняй краіны.

Гук некалькіх беспілотнікаў памежнікі пачулі ў раёне вёскі, якая знаходзіцца каля памежнага пераходу «Прывалка» — «Райгардас». Памежнікі прымусілі беспілотнікі прызямліцца з дапамогай спецыяльных прылад.

На зямлі быў знойдзены груз кантрабанды з Беларусі — 4998 пачак цыгарэт Queen Mentol, NZ Gold і Minsk 5 Superslims. Іх ацанілі ў 27,5 тысячы еўра.

За студзень—чэрвень літоўскія памежнікі ўжо перахапілі 29 беспілотнікаў з кантрабанднымі цыгарэтамі з Беларусі. За ўвесь мінулы год было перахоплена 59 беспілотнікаў.