Названыя прычыны, чаму аўто ў Беларусі не праходзяць тэхагляд

• 8.07.2026, 10:47

У лідэрах — праблемы з тармазамі.

У «Белтэхаглядзе» распавялі, якія няспраўнасці найчасцей выяўляюць у транспарце, які правяраюць. У лідэрах — праблемы з тармазамі.

У чэрвені фізічныя асобы атрымалі 138 466 дазволаў на допуск транспартных сродкаў да ўдзелу ў дарожным руху (86% ад агульнай колькасці).

«З агульнай колькасці транспартных сродкаў, прадстаўленых на дзяржаўны тэхнічны агляд, 12,9% транспартных сродкаў (22 354) мелі рознага характару неадпаведнасці ўсталяваным патрабаванням (32 446 неадпаведнасцей)», — удакладняе «Белтэхагляд».

Праблемы з тармазамі склалі 41,8% ад усіх няспраўнасцей, з вонкавымі светлавымі прыборамі — 25,6%.

Заўважым, многія беларусы байкатуюць тэхагляд.