У Беларусі можа з'явіцца марожанае са смакам піва

• 8.07.2026, 14:30

Рэцэпт ужо распрацаваны.

Не паспелі беларусы прызвычаіцца да марожанага ў драніку і сырнай навінкі, як вытворцы малочнай прадукцыі вырашылі здзівіць іх чарговым рэцэптам. На гэты раз вызначыўся брэнд Feelin у сацыяльнай сетцы Threads.

Брэнд вядомы беларусам дзякуючы выпуску марожанага з шарыкамі і глазаваных сыркоў. Аднак новая прадукцыя здзівіць нават тых, хто абыякавы да такіх прысмакаў: Feelin плануе выпусціць марожанае са смакам піва.

— Марожанае са смакам піва распрацавана! Запускаем? — спытаў брэнд у карыстальнікаў Threads.

Адказы ў каментарыях не прымусілі сябе доўга чакаць:

«Можа, лепш піва са смакам марожанага?»

«Калі толькі ў калабарацыі з Лідскім півам».

«Не трэба. Піва выдатнае толькі ў адным выглядзе — халоднае, вадкае і ў куфлі».

«Лепш з каньяком».

«З дранікам з'елі, і гэта з'ядзім».