У НАТА прынялі рашэнне аб 140 мільярдах еўра ваеннай дапамогі Украіне

• 8.07.2026, 16:38

Краіны НАТА аднадушна прызнаюць неабходнасць доўгатэрміновага фінансавання украінскай абароны.

Лідары краін-членаў НАТА прынялі сумеснае рашэнне аб тым, што ў 2026–2027 гадах Альянс акажа Украіне ваенную падтрымку на суму не менш як 140 млрд еўра.

Пра гэта гаворыцца ў рашэнні саміту, якое маецца ў распараджэнні «Еўрапраўды» .

Рашэнне саміту НАТА — кароткі дакумент, які складаецца ўсяго з 6 пунктаў, адзін з якіх цалкам прысвечаны Украіне.

Дэкларацыя саміту канстатуе, што «еўрапейскія саюзнікі і Канада цяпер фінансуюць пераважную большасць дапамогі Украіне ў сферы бяспекі», але асобна падкрэсліваецца, што падтрымка павінна захавацца.

«Саюзнікі падкрэсліваюць, што гэтая падтрымка павінна быць справядлівай, прадказальнай і ўстойлівай у доўгатэрміновай перспектыве. На 2026 год саюзнікі абавязваюцца прадаставіць Украіне ваенныя сродкі, дапамогу і падрыхтоўку на суму 70 млрд еўра і пацвярджаюць суверэнныя абавязацельствы захаваць прынамсі эквівалентны ўзровень у 2027 годзе», — гаворыцца ў дакуменце.

Важна, што члены НАТА аднадушна прызнаюць неабходнасць доўгатэрміновага фінансавання украінскай абароны, а гэта азначае, што ідзе гаворка пра значна больш аддалены гарызонт, чым 2027 год.